چیرامن مسجد

چیرامان  جامع مسجد
تجدید کردہ چیرامان  جامع مسجد
کیرلا کے نقشے میں مقام
بنیادی معلومات
متناسقات	10.22°N 76.194°E / 10.22; 76.194
مذہبی انتساب	اسلام
ضلع	ترشور
ریاست	کیرالا
ملک	بھارت
مذہبی یا تنظیمی حالت	مسجد
تعمیراتی تفصیلات
طرز تعمیر	قدیم کیرالائی فنِ تعمیر
سنہ تکمیل	629 عیسوی
لمبائی	61 میٹر (200 فٹ)
چوڑائی	24 میٹر (79 فٹ)

چیرامان  جامع مسجد مٹھالہ  یہ کوڈنگلور تلک ، ترشور ضلع ، ریاست کیرالا ، بھارت میں واقع ہے۔ایک روایت کے مطابق یہ 629 ء میں تعمیر ہوئی ، چنانچہ اسے ہندستان کی پہلی اور برصغیر کی قدیم ترین مسجد بھی تصور کی جاتی ہے – اسے کابل سے تعلق رکھنے والے آزاد کردہ فارسی غلام اورمشہور تابعی حضرت مالک بن دینارؒ نے چیرمن پرومل کے حکم سے تعمیر کرایا ۔اُس زمانے کے کیرلائی فنِ تعمیر پر یہ مسجد بنائی گئی۔  جو چیرا  بادشاہ  تھا آج کل جس علاقے کو کیرالہ کہا جاتا ہے-اس مسجد کے بارے میں یہ بھی مانا جاتا ہے کہ یہ 11ویں صدی میں دوبارہ تعمیرکی گئی- بہت سے نو مسلم یہیں سے اسلام میں باقاعدہ شمولیت اور کلمہ پڑھائی یہیں پر کرتے ہیں چیرامان جامع مسجد بھارت کی پہلی جامع مسجد ہے۔ بھارت میں پہلی نمازِ جمعہ یہیں ادا کی گئی۔

حکایت و تاریخ

حکایت کے مطابق چیرامن پرومل(چیرامان پرومل  چیرا بادشاہوں کا لقب ہوا کرتا تھا) نے شق القمر (چاندکے دو ٹکڑے ہوتے ) دیکھا ،  وہ معجزہ رسول ﷺ دیکھا جس کا ذکر قرآن میں بھی ہے ، جب مکہ کے مشرکوں نے آپ ؐ سے معجزہ طلب  کیا تھا -   ششدر یرامن پرومل نے اس واقعے کی اپنے  نجومیوں سے تصدیق کی ، لیکن اس کی سمجھ میں نہ آیا کہ اس کا مطلب کیا تھا- عرب تاجراس وقت کی سرگرم عالمی بندرگاہ  ملابار پہنچے تھے اور بادشاہ کے دربار میں سیلون جانے کی اجازت  لینے آئے، گفتگو کے دوران  بادشاہ کو نبی  ؐ  کے بارے میں علم ہوا، اس نے اپنے بیٹے کو  والی تخت بنا کر عرب تاجروں کیساتھ خود نبی  ؐ سے ملنے گیا-جب وہ ادرک کا اچار لیکرخدمتِ نبی  ؐ و صحابہ ؓ میں حجاز پہنچا  تو قبول اسلام کیا- چیرامن پرومل نے مشہور تابعی حضرت مالک بن دینارؒ کو  خط دیکر کوڈنگلور اپنے  بیٹے کے پاس بھیجا اور  بدھمندر کو مسجد بنانے کی ہدایت کی- چیرامن پرومل کی مناسبت سے اس مسجد کا نام چیرامن مسجد پڑا۔اس زبانی حکایت میں بہت تغیر پایا جاتا ہے ، یہ بھی حکایت ہے کہ  چیرمن پرومل  مالدیپ کے بادشاہ کی زیارت کے دوران چاند کے ٹکڑے ہونے کی  گفتگو کی ، دونوں نے مکہ جاکرحقیقت جاننے کی ٹھانی-  کیرلا کے سماجی مؤرخ سیونندامندیرام نرائن سداسویین  کا ماننا ہے چیرامن پرومل اس ساری حکایت سے کوئی تعلق ہی نہیں، چاند کو دیکھنے والااصل مالدیپ کا بادشاہ تھا، جس کے شہر مالی  کو ملابار سمجھا جاتا رہا- تاہم  مالی مالدیپ کا شہر نہیں وہ تو فریقی ملک ہے مالدیپ کا شہر تو مالے ہے-بھارتی مؤرخ متائل گووندامینن سنکارا نرائن  کہتے ہیں ایسی کوئی وجہ نہیں کہ چیرا بادشاہ کے مکہ جاکر قبول اسلام کی حکایت کو ردکیا جائے،کیونکہ یہ نہ صرف مسلم سرگزشتوں  میں ملتی  ہے بلکہ براہمن سرگزشتوں میں بھی ایسا ملا جسے کیرالولپتی[1] ،  جس سے ایسی کہانی گھڑنے کی کوئی امیدنہیں اور نہ یہ ایسا کرنے سے  برہمن اور ہندوؤں کی شہرت بڑھاتی ہے-

طرزِ تعمیر

پرانی مسجد کا ڈھانچہ

قدیم کیرالائی فنِ تعمیر پر اس مسجد تعمیر کی گئی۔ اس لیے صورت میں موجودہ مساجد کی شکل نہ تھی۔ گیارہویں صدی ء میں مسجد تعمیرِنو کی گئی۔مسجد کی تعمیراتی  تاریخ کو بہت سے مروڑ دئے گئے، کیونکہ یہ  بدھمندر تھا تو   اس کو اسلامی مطابقت دینا تھی، حتی کہ  1000ء میں  از سر نو تعمیر کیا گیا کیونکہ مسجد کا رخ کعبہ سے ہٹ کر مشرقی جانب تھا، اب بھی مسجد میں بدھ مندر کی کچھ باقیات ہیں  جیسا کہ روایتی تالاب اور چراغ جو ہزار سال سے مستقل جل رہا ہے جس میں  ہر مذہب کے یاتری اور زائرین تیل ڈالتے ہیں -

فائل:کتبۂ چیرامن مسجد.jpg

چیرامان مسجد کا کتبہ ، جس میں تاریخِ تعمیر کندہ ہے

تقاریب

ودیارمبھم

ودیارمبھم (ودیا معنی علم رمبھم معنی ابتدا)  ہندو تقریب  دسہرہ میں یہ  تقریب ہوتی ہے ،جو اپنے بچوں کی کسی پنڈت وغیرہ زیرسرپرستی  ہندو سکھلائی کی ابتدا کروانے کے لیے کی  جاتی ہے- چیرامن مسجد میں یہ تقریب مسلمان امام کرواتا ہے ، ریت میں بنے  حروف کو بچے کی زبان پر  ہاتھ سے نقش بناتا ہے ، جو سرسوتی دیوی (علم کی دیوی)سے دعا کی صورت ہے

تراونکور  کا مہراجہ

مکہتوپیہ پیرومل ، مکہ جانے والے بادشاہ کی  حکایت کیرالہ میں زندہ رہی،  1947ء سے قبل اس علاقے تراونکور کے مہراجے  حلف یوں لیتے تھے " میں یہ تلوار اس وقت تک رکھوں گا جب تک مکہ جانے والا واپس نہ آجائے"

نامور زائرین

• بھارتی صدر عبد الکلام
• ششی تھرور

نگار خانہ

• 
• 
• 
  قدیم عمارت کا ماڈل

بیرونی روابط

http://www.bahraintribune.com/ArticleDetail.asp?CategoryId=4&ArticleId=49332آرکائیو شدہ بذریعہ bahraintribune.com